Кегейли туманидаги «КС-3-5-1» хўжаликлараро коллекторини реконструкция қилиш ва унинг 19+60-пикетида акведук қурилиш ишларини якунига етказиш масалаларини буюртмачи ва қурувчи  ташкилот масъуллари билан муҳокама этишга бағишланган семинар ўтказилди.

          Семинарда  Қорақалпоғистон Республикаси Сув хужалиги вазирлиги, буюртмачи «Қорақалпоғистонсувқурилишинвест» ДМ ва қурувчи ташкилот “Кегейлимахсуссувпудрат” масъулияти чекланган жамиятининг масъул ходимлари иштирок қилди.

          Тадбир иштирокчилари дастлаб, Кегейли туманидаги «КС-3-5-1» хўжаликлараро коллекторининг реконструкция қилинаётган ишларни яқиндан ўрганишди. Маълумот берилишича, мазкур коллекторнинг режада белгиланган 7 километр қисмида реконструкция қилиш ишлари деярли якунига етказилмоқда. Объектни реконструкция қилиш лойиҳасида 8 дона қувурли ўтказгич қуриш ва таъмирлаш, 3 дона акведук қуриш, 2 дона автомобил йўли кўпригини таъмирлаш ҳамда 14 дона кузатув қудуқларига ер ости сизот сувларини онлайн кузатувчи “Дайвер” ускунасини ўрнатиш ишлари белгиланган.

          Ўрганиш давомида «Қорақалпоғистонсувқурилишинвест» ДМ  бош муҳандиси Н.Каипов «КС-3-5-1» хўжаликлараро коллекторини реконструкция қилиш лойиҳаси доирасида амалга оширилиши лозим бўлган ишлар, хусусан, коллекторнинг ПК19+43да жойлашган автомобил йўли кўприги устига асфальт ётқизиш ҳамда ПК19+60 даги акведукда қурилиш ишлари охирига еткизилмагани танқид қилинди. Бу борадаги камчиликларни бартараф қилиш бўйича пудрат ташкилоти раҳбари Б.Сапаровга ва техник назоратчи О.Камаловларга алоҳида топшириқлар берилди.

          Ўз навбатида қурувчи ташкилот масъул вакили коллектордаги кўприк устига асфальт ётқизиш, акведукда таъмирлаш ишларини октябрь ойида тўлик якунлаш бўйича барча чораларини кўришларини таъкидлаб ўтди.

Қорақалпоғистон Республикаси

Сув хўжалиги вазирлиги Матбуот хизмати