Qaraqalpaqstan Respublikası Joqarǵı Keńesinde “Awıl xojalıǵı xızmetkerleri kúni” múnásibeti menen sıylıqlanǵan taraw wákillerine sıylıqlardı saltanatlı tapsırıwǵa baǵıshlanǵan ilaj bolıp ótti.

  Ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev jıynalǵanlardı sáne múnásibeti menen qutlıqlap, usı jıl dawamında joqarı nátiyjelerge erisiwde, mol qırman jaratıwda awıl hám suw xojalıǵı tarawınıń barlıq buwındaǵı xızmetkerleriniń miynetleri ayrıqsha ekenligin atap ótti hám sıylıqlardı tapsırdı.

Ilajda Ózbekstan Respublikası Suw xojalıǵı ministriniń tiyisli buyrıǵına muwapıq sıylıqlanǵan Qaraqalpaqstan Respublikası Suw xojalıǵı ministri Baxtiyar Yusupov, “Quanısh jarma” irrigaciya sisteması basqarması óndirislik baǵdarı xızmeti bóliminiń injener-gidrotexnigi Maratjan Nurjanov “O’zbekiston Respublikasi suv xo’jaligi a’lochisi” kókirek belgisi menen sıylıqlandı.

Sonday-aq, Qaraqalpaqstan Respublikası Suw xojalıǵı ministriniń orınbasarı Tajetdin Madireymov «O’zbekiston Respublikasi qishloq xo’jaligi fidoyisi»,Qaraqalpaqstan Respublikası Suw xojalıǵı ministrliginiń Mexanizaciya bólimi baslıǵı Sagidulla Serjanov «Ardaqlı nuranıy», “Ardaqlı nuranıy,” ekskavatorshı Marat Smaylov “Watan pidayısı” kókirek belgileri, ministrliktiń Kishi joybarlaw toparı bólimi baslıǵı Allambergen Xojabekov Qaraqalpaqstan Respublikası Joqarǵı Keńesiniń estelik sawǵası menen sıylıqlandı.

Suwshılardıń pidayı miynetleriniń bul tán alınıwı da Qaraqalpaqstandaǵı barlıq suwshılardıń miynetine berilgen baha hám itibar dep bilemiz.

Qaraqalpaqstan Respublikası

Suw xojalıǵı ministrligi Baspasóz xızmeti