Олдин хабар берганимиздек, Нукус шаҳридан ўтувчи “Дўстлик” каналин реконструкция қилиш, бетонлаш ишлари қизғин давом қилмоқда.

Бугун Қорақалпоғистон Республикаси Вазирлар Кенгаши раисининг Қишлоқ ва сув хўжалиги масалалари бўйича ўринбосари Ш.Тешаев ҳамда Сув хўжалиги вазирлиги масъуллари “Дўстлик” каналининг бетонлаш ишлари билан яқиндан танишдилар.

Канални бетонлаш учун зарур бўладиган арматура, ёқилғи ва цемет захираси тўлиқ шакиллантирилганлиги, шимолий туманларда шўр ювиш тадбирларидан олдин белгиланган қисмларида бетонлаш ишларини якунлаш бўйича топшириқлар берилди.

“Дўстлик” каналини реконструкция қилиш ишлари Бош пудратчи ташкилот “Кегейлимахсуссувпудрат”  масъулияти чекланган жамияти томонидан олиб борилмоқда. Канални бетонлаш лойиҳаси натижасида унинг техник ҳолатини яхшилаш билан бирга Нукус шаҳридан оқиб ўтадиган қисмини техник ва эстетик реконструкция қилишдин иборатдир.

“Дўстлик” канали умумий узунлиги 25,2 километрни ташкил этиб, Нукус шаҳри, Тахтакўпир, Қораўзак, Кегайли, Чимбой ва қисман  Нукус туманларидаги экин майдонларини сув билан таъминлашга хизмат этади.

Қорақалпоғистон Республикаси
Сув хўжалиги вазирлиги Матбуот хизмати