Xabarıńız bar, usı jıldıń fevral ayında Suw xojalıǵı ministrligi sistemasında islep atırǵan hayal-qızlar arasında “Suw resursların únemlewge hayal-qızlardıń qosqan úlesi” temasında video intervyuler tańlawı ótkerilgen edi.
Ózbekstan Respublikası Suw xojalıǵı ministrligi Shveycariya rawajlanıw hám birge islesiw agentligi “Ózbekstanda suw resursların basqarıw milliy joybarı” sheńberinde ótkerilgen tańlawda Qaraqalpaqstandaǵı suw xojalıǵı shólkemlerinde xızmet etip atırǵan 7 hayal-qız qatnastı. Olar tárepinen tayarlanǵan videomateriallar ministrliktiń telegram kanalında da sáwlelendirilip barıldı.
Búgin 8-mart Xalıqaralıq hayal-qızlar bayramı aldınan shólkemlestirilgen ilajda tańlaw jeńimpazları járiyalandı. Oǵan bola, Qońırat rayonı “Suw jetkerip beriw xızmeti” mámleketlik mákemesiniń jetekshi injener-gidrotexnigi Lazzat Azatova tańlaw jeńimpazı dep tabıldı hám shólkemlestiriwshiler tárepinen sıylıqlandı.
Qaraqalpaqstan Respublikası
Suw xojalıǵı ministrligi baspasóz xızmeti