B.Yusupov 1962-jılı Tórtkúl rayonında tuwılǵan. 1984-jılı Tashkent irrigaciya hám awıl xojalıǵın mexanizaciyalastırıw injenerleri institutın, 2001-jılı Mámleketlik hám jámietlik qurılıs akademiyasın tamamlaǵan. Bilimlendiriw boyınsha qánigeligi injener-gidrotexnik.

Miynet jolın 1984-jılı “Qaraqalpaqsuwqurılıs” trestine qaraslı Tórtkúl rayonı qurılıs montaj basqarmasında baslaǵan. 1989-1996-jılları Tórtkúl rayonı “Qubla” kóshpeli kolonnasınıń Rejelestiriw hám óndiris bóliminiń baslıǵı, 1996-1998-jılları Tórtkúl rayonı awıl hám suw xojalıǵı basqarmasınıń baslıǵı, 1998-2000-jılları Qaraózek rayonı hákiminiń birinshi orınbasarı lawazımlarında jumıs islegen.

Keyingi jılları awıl hám suw xojalıǵı tarawlarında juwapkershilikli wazıypalarda islep keldi.

 Atap aytqanda, 2017-2018-jıllarda Ózbekstan Respublikası Awıl hám suw xojalıǵı ministrliginiń Awıl hám suw xojalıǵında investiciyalıq joybarlardı ámelge asırıw orayınıń direktorı, 2018-2021-jıllarda Ózbekstan Respublikası Qurılıs ministrligi janındaǵı “UzGIP” juwapkershiligi sheklengen jámietiniń direktorı, 2021-2023-jıllarda Suw xojalıǵında sırt el investiciyalıq joybarlardı ámelge asırıw orayı direktorınıń orınbasarı lawazımlarında nátiyjeli miynet etken.

B.Yusupov usı lawazımǵa tayınlanıwǵa shekem Ózbekstan Respublikası Suw xojalıǵı ministrliginiń suw xojalıǵı obektleriniń nátiyjeliligin támiyinlew bóliminde jumıs islep kiyatırǵan edi.