Aybek Urazımbetov 1983-jılı Xojeli rayonında tuwılǵan. 2005-jılı Tashkent irrigaciya hám melioraciya institutın, 2007-jılı usı instituttıń magistraturasın tamamlaǵan. Qánigeligi boyınsha suw xojalıǵı hám melioraciya, gidromeliorativ sistemalardan paydalanıw qánigeligine ie.
Miynet jolın 2007-jılı Tómengi Ámiwdárya irrigaciya sistemaları basseyn basqarması suw resursları balansı bóliminiń jetekshi qánigesi lawazımınan baslaǵan A.Urazımbetov keyin ala, Qaraqalpaqstan Respublikası Ministrler Keńesi Awıl hám suw xojalıǵı máseleleri boyınsha sekretariatınıń bas qánigesi, Qaraqalpaqstan Respublikası Kollektor-drenaj sistemaları basqarmasınıń baslıǵı, Qaraqalpaqstan Respublikası Ministrler Keńesiniń Awıl hám suw xojalıǵı máseleleri boyınsha sekretariatınıń bas qánigesi (sekretariat baslıǵı wazıypaların atqarıw júklengen halda) bolıp nátiyjeli jumıs isledi.
Ózbekstan Respublikası Suw xojalıǵı ministrliginiń 2023-jıl 28-sentyabrdegi buyrıǵına muwapıq, Urazımbetov Aybek Bauadinovich Qaraqalpaqstan Respublikası Suw xojalıǵı ministriniń birinshi orınbasarı wazıypasın atqarıwshı lawazımına tayınlandı.