Qaraqalpaqstan nasos stanciyaları hám energetika basqarması juwapkerleri Qońırat rayonındaǵı “Maksim awıl” nasos stanciyasında ámelge asırılıp atırǵan jumıslardı úyrendi.

Kórgizbeli seminar formasında ótkerilgen ilajda Basqarma baslıǵınıń orınbasarı N.Aralbaev hár hápteniń juma kúni nasos stanciyalarında dodalanatuǵın máseleler, atap aytqanda, elektr energiyasınan nátiyjeli paydalanıw hám únemlew hám nasos stanciyaları átirapındaǵı jer maydanlarına awıl xojalıǵı ónimlerin egiw hám jumısshılardıń dáramatların arttırıw baǵdarındaǵı wazıypalarǵa toqtap ótti.

Sonday-aq, ilajda basqarmanıń Óndiris, texnika bólimi baslıǵı S.Utemuratov, Energetika bólimi baslıǵı Q.Aliyev, Miynetti qorǵaw hám texnika qáwipsizligi boyınsha bas qánigesi J.Muradovlar nasos agregatlarında ámelge asırılatuǵın jumıslardı orınlawda nelerge itibar qaratıw kerek ekenligi boyınsha kórgizbeli túrde túsindirip berdi.

Atap aytqanda, nasos stanciyalarında elektr energiyasın únemlew, elektr dvigatellerdi turaqlı qadaǵalaw, olarǵa únemlewshi úskenelerdi ornatıw hám agregatlardı óz waqtında ońlawdı alıp barıw, jumısshı-xızmetkerlerdiń texnika qáwipsizligi qaǵıydalarına ámel etiwi hám olarǵa sharayat jaratıp beriw boyınsha alıp barılıp atırǵan jumıslar keń túrde dodalandı.

Seminarda dodalanǵan máseleler boyınsha Qońırat-Moynaq bólimi baslıǵı N.Mahalovqa tiyisli tapsırmalar berildi. Sonday-aq, Basqarma juwapkerleri jumısshı-xızmetkerlerge qosımsha dáramat tabıw arqalı jaratılǵan sharayatlardı úyrendi.

Qaraqalpaqstan Respublikası

Suw xojalıǵı ministrligi baspasóz xızmeti