Beruniy nasos stanciyaları hám energetika basqarmasınıń juwapkerleri Beruniy rayonındaǵı “RN-6/320” nasos stanciyasında elektr energiyasın únemlew, bul baǵdarda elektr jumsalıwın onlayn qadaǵalawshı sanlı texnologiyalardı engiziw jumısları úyrenildi.
Ilaj dawamında basqarmanıń bas qánigesi D.Kamalov shıǵıp sóylep, suwǵarıw máwsiminde nasos stanciyalarında ámelge asırılatuǵın áhmietli ilajlar, atap aytqanda, bıyılǵı jıl suw xojalıǵında – nasoslardıń nátiyjeliligin arttırıw jılı, dep belgilengeni, agregatlardı isletiwde energiyanı únemlew ilajların kóriw boyınsha belgilengen wazıypalarǵa toqtap ótti. Sonday-aq, eski nasos agregatların az energiya jumsap kóbirek suw shıǵarıw qábiletine ie zamanagóy agregatlardı ornatıw baǵdarında da wazıypalar belgilendi.
Beruniy rayonındaǵı barlıq nasos stanciyalarınıń basshıları qatnasqan ilajda suwǵarıw máwsiminde jumısshı xızmetkerler berilgen wazıypalardı óz waqtında sapalı orınlawı kerek ekenligi, bul boyınsha juwapkershiliksiz islegenlerge tiyisli sharalar kóriliwi haqqında eskertildi.
Qaraqalpaqstan Respublikası
Suw xojalıǵı ministrligi baspasóz xızmeti