Qaraqalpaqstan nasos stanciyaları hám energetika basqarması juwapkerleri Xojeli rayonındaǵı “Janajap” nasos stanciyasında elektr energiyasınan nátiyjeli paydalanıw hám nasos stanciyaları agregatların ońlaw jumıslarınıń máwsim dawamında alıp barılıwın úyrendi.
Ilaj dawamında Basqarmanıń Óndirislik texnika bólimi baslıǵı Sagidulla Utemuratov elektr energiyasınan nátiyjeli paydalanıw boyınsha aldında turǵan wazıypalar hám qıs máwsimi dawamında nasos agregatların sapalı ońlaw máseleleri boyınsha tolıq túsinikler berdi.
Sonday-aq, Energetika bóliminiń baslıǵı Q.Aliyev házirgi kúnge shekem 8 dana nasos, 23 dana elektrodvigatel, 39 dana kondensator ornatılǵanı esabınan jılına ortasha 757,178 mıń kVt elektr energiyasınıń únemleniwine erisilgeni zamanagóy energiya únemlewshi qurılmalardı ornatıwdıń áhmieti haqqında maǵlıwmat berdi.
Basqarma juwapkerleri “Xojeli-Taqıyatas” bólimi baslıǵı S.Qujanovqa nasos stanciyaları átirapında awıl xojalıǵı ónimleri jetistirilip, alınǵan ónim esabınan jumısshı-xızmetkerlerdi qosımsha xoshametlew boyınsha wazıypalar berildi.
Qaraqalpaqstan Respublikası
Suw xojalıǵı ministrligi baspasóz xızmeti