Qaraqalpaqstan Respublikası Suw xojalıǵı ministrliginde “Suwǵarıw máwsiminiń juwmaqları, kanallardı rekonstrukciyalaw, shor juwıwǵa jer tayarlaw hám tarawǵa únemlewshi texnologiyalardı engiziw” atamasında baspasóz ánjumanı ótkerildi.

Qaraqalpaqstan Respublikası Ministrler Keńesiniń Baslıǵı tárepinen 2025-jıl 30-sentyabrde tastıyıqlanǵan Media ilajlar rejesine muwapıq shólkemlestirilgen ilajda oraylıq hám jergilikli basılımlar, televidenie hám radio kanallarınıń wákilleri hám suw xojalıǵı juwapkerleri qatnastı.

Ilaj aldınan Qaraqalpaqstan Respublikası Suw xojalıǵı ministri Baxtiyar YUsupov 2025-jıl dawamında aymaqlarǵa jetkerip berilgen suw muǵdarları, engizilip atırǵan únemlewshi texnologiyalar, jerlerdiń meliorativlik jaǵdayın jaqsılaw, kanallardı rekonstrukciyalaw baǵdarında ámelge asırılıp atırǵan ilajlar boyınsha málimleme berdi.

Atap ótilgenindey, 2025-jıl jazǵı suwǵarıw máwsiminde dáryalarda suw aǵısı normaǵa salıstırǵanda 85-90 procent átirapında boldı.

Usı jılı awıl xojalıǵı ónimlerin jetistiriw ushın respublika boyınsha jámi 5 milliard kub metrden aslam suw jetkerip berildi.

Usı suw resursları menen 53 mıń gektar egilgen ǵálle maydanları, 80 mıń gektar paxta maydanları hám 180 mıń gektar miywe-ovosh hám basqa da eginler suwǵarıldı. Bunnan tısqarı, 145 mıń gektarǵa shor juwıw hám ıǵal suw beriw jumısları ámelge asırıldı, sonnan 21 mıń gektarına tákirarıy eginler ushın suw berildi.

Suw resursların únemlew hám onnan aqılǵa uǵras paydalanıwda suwdı únemleytuǵın texnologiyalardı engiziw boyınsha keń kólemli jumıslar alıp barılmaqta.

Mámleket tárepinen qollap-quwatlaw mexanizmleri zaman talaplarına beyimlestirilip atırǵanlıǵı jáne suwdı únemleytuǵın texnologiyalardı engizgen fermer hám diyqanlar nátiyjesin kórip atırǵanlıǵı nátiyjesinde

2019-2025-jıllar dawamında jámi 290 mıń 441 gektar maydan suwdı únemleytuǵın texnologiyalar menen qamtıp alındı, suwǵarılatuǵın maydanlarǵa salıstırǵanda úlesi 56 procentke jetkerildi.

Sonıń ishinde, 24,1 mıń gektarda tamshılatıp, 7,3 mıń gektarda jawınlatıp, 614 gektarda diskret hám 37,2 mıń gektarda basqa túrdegi suwǵarıw texnologiyaları engizildi jáne 221,2 mıń gektar jerler lazer úskenesi járdeminde tegislendi.

Sonıń ishinde, tek ǵana 2025-jıldıń ózinde jámi 75,2 mıń gektar (171 procent rejege salıstırǵanda) maydanlarda suwdı únemlewshi texnologiyalar, sonıń ishinde, 2,9 mıń gektarda tamshılatıp suwǵarıw, 1,9 mıń gektarda jawınlatıp suwǵarıw jáne 6,1 mıń gektar maydan iyiliwsheń qubırlar arqalı hám 2,1 mıń gektar maydan qarıqqa plyonka tósep suwǵarıldı hám 62,2 mıń gektar maydanda lazerli tegislew jumısları ámelge asırıldı.

Nátiyjede áyne suwdı únemleytuǵın texnologiyalar esabınan 2025-jılı 360 million kub metr suwdı únemlewge erisildi.

Sol sebepli keyingi jıllarda suwǵarıw tarmaqlarında suwdıń shıǵınların azaytıw hám kanallardıń paydalı jumıs koefficientin arttırıwǵa ayrıqsha itibar qaratılmaqta.

Kanallardı betonlastırıw nátiyjesinde suwdıń joǵalıwınıń aldı alınıp, egislik maydanları, qıytaq jerlerge kepillengen suw jetkerip beriliwine erisilmekte hám nátiyjede xalıqtıń keypiyatı, olardıń turmıs tárizi hám qosımsha dáramat alıwına unamlı tásir kórsetpekte.

2025-jılı byudjet qarjıları esabınan 87,9 mln sum ajıratılıp, 14 joybar sheńberinde 45,4 km (sonnan, 42,1 km bólegi betonlastırıldı) kanallar, 7,2 km lotoklar hám 2 nasos agregatları, sonday-aq, 4 suw tosıwshı imaratlar qurıldı hám rekonstrukciyalandı.

Bunnan tısqarı, “Kámbaǵallıqtan abadanlıqqa qaray” baǵdarlaması sheńberinde suw támiynatı awır bolǵan máhállelerdegi xalıqtıń qıytaq jerlerin suw menen támiyinlew joybarları ushın byudjetten 198,5 milliard sum qarjı ajıratıldı.

Usı baǵdarlamaǵa muwapıq, 89 joybar sheńberinde 857,2 km kanallar, 37 suwǵarıw qudıǵı, 207 nasos agregatı hám 85,5 km basımlı qubırlardı qurıw hám rekonstrukciyalaw jumısları orınlandı.

Ámelge asırılǵan jumıslar nátiyjesinde 68 270 shańaraqta jasaytuǵın xalıqtıń 10,98 mıń gektar qıytaq jerinde suw támiynatınıń jaqsılanıwına erisildi.

B.YUsupov kelesi 2026-jılı suw xojalıǵında ámelge asırılıwı belgilengen tiykarǵı wazıypalarǵa da toqtap ótti.

Maǵlıwmat beriliwinshe, 14,4 mıń gektar suwǵarılatuǵın jer maydanında suwdı únemleytuǵın texnologiyalar qollanılıwı rejelestirilgen. Bunnan tısqarı, 63 mıń gektar awıl xojalıǵı egislik maydanlarında lazerli tegislew jumısları ámelge asırıladı.

Ózbekstan Respublikası Ministrler Kabinetiniń tiyisli qararına tiykarlanıp byudjetten ajıratılatuǵın 81,0 mlrd. sum qarjılar esabınan 44 km kanallardı betonlastırıw ilajların ámelge asırıw rejelestirilgen.

Atap aytqanda, Nókis rayonındaǵı “Sorali,” Shomanaydaǵı “Ak jap,” Taqıyatastaǵı “Eski Keneges” (2-basqısh), Shımbaydaǵı “Taǵ jap” kanalında rekonstrukciya jumısların ámelge asırıw belgilengen.

Ámelge asırılǵan jumıslar nátiyjesinde 68 270 shańaraqta jasaytuǵın xalıqtıń 10,98 mıń gektar qıytaq jerinde suw támiynatınıń jaqsılanıwına erisildi.

B.YUsupov kelesi 2026-jılı suw xojalıǵında ámelge asırılıwı belgilengen tiykarǵı wazıypalarǵa da toqtap ótti.

Maǵlıwmat beriliwinshe, 14,4 mıń gektar suwǵarılatuǵın jer maydanında suwdı únemleytuǵın texnologiyalar qollanılıwı rejelestirilgen. Bunnan tısqarı, 63 mıń gektar awıl xojalıǵı egislik maydanlarında lazerli tegislew jumısları ámelge asırıladı.

Ózbekstan Respublikası Ministrler Kabinetiniń tiyisli qararına tiykarlanıp byudjetten ajıratılatuǵın 81,0 mlrd. sum qarjılar esabınan 44 km kanallardı betonlastırıw ilajların ámelge asırıw rejelestirilgen.

Atap aytqanda, Nókis rayonındaǵı “Sorali,” Shomanaydaǵı “Ak jap,” Taqıyatastaǵı “Eski Keneges” (2-basqısh), Shımbaydaǵı “Taǵ jap” kanalında rekonstrukciya jumısların ámelge asırıw belgilengen.

Sonday-aq, 535,7 km uzınlıqtaǵı kanal tazalanadı, 287 dana gidrotexnikalıq qurılma hám 169 dana gidropost ońlanadı. Rayonlar shegarasında alınıp atırǵan suw muǵdarın real waqıt rejiminde baqlaw imkaniyatın jaratatuǵın keminde 1 80 sanlı suw ólshew qurılmaları ornatıladı. Sonday-aq, 364 meliorativlik baqlaw qudıǵı avtomatlastırılǵan monitoring sistemasına ótkeriledi. Sonıń menen birge, 95 nasos agregatınıń suwdıń jumsalıw esabın onlayn rejimde monitoring etip barıw sisteması jolǵa qoyıladı.

Baspasóz ánjumanında Qaraqalpaqstan nasos stanciyaları hám energetika basqarması baslıǵı wazıypasın atqarıwshı A.A. Nietbay Aralbaev ta nasos stanciyaları hám olardıń elektr energiyasınan nátiyjeli paydalanıw baǵdarında jıl dawamında islengen jumıslar boyınsha málimleme berdi.

Hámmemizge belgili, Prezidentimizdiń basshılıǵında 2024-jıl 7-noyabrde ótkerilgen videoselektor májilisinde 2025-jıl – suw xojalıǵında “Nasoslar nátiyjeliligin arttırıw jılı” dep belgilengen edi.

Bunnan soń bul baǵdarda ámelge asırılatuǵın ilajlar belgilendi hám oǵan bola, keń kólemli jumıslar ámelge asırılmaqta.

2025-jılı mámleket nasoslarınan 20 danasın energiya únemlewshi nasosqa almastırdı. Nátiyjede ortasha 528,1 mıń kVt/saat energiya únemlendi. Sonday-aq, mámleketlik nasoslarǵa jámi 214 kVt quwatlılıqtaǵı quyash panelleri ornatıldı hám 408 million kVt/saat energiya únemleniwine erisildi.

Itibarlısı, sońǵı waqıtları klaster hám fermer xojalıqlarında esabındaǵı nasos agregatların da energiyanı únemleytuǵınına almastırıw hám olarǵa quyash panellerin ornatıw baǵdarında da keń kólemli jumıslar ámelge asırılmaqta. Eger maǵlıwmatlardı tallaytuǵın bolsaq, usı jılı 6 918 kVt elektr quwatlılıǵı islep shıǵaratuǵın quyash panelleri ornatılǵanı esabınan ortasha 3,2 million kVt/saat energiyanı únemlewge erisilgen.

Baspasóz konferenciyasınıń ekinshi bólimi ashıqtan-ashıq sóylesiw tárizinde dawam etti. Onda jurnalistler taraw juwapkerlerine alıs awıllarǵa suw jetkeriw, kanallardı rekonstrukciyalaw, kanallar átirapına terek nállerin egiw, suw salıǵı hám esap-sanaqtı júrgiziw máseleleri boyınsha bergen sorawlarına hár tárepleme juwaplar aldı.

Ilaj juwmaǵında suwdan nátiyjeli paydalanıw, tarawda ámelge asırılıp atırǵan jumıslardı jámiechilikke keńnen jarıtıw boyınsha ministrlik penen ǵalaba xabar quralları wákilleriniń birge islesiwin kúsheytiwge kelisip alındı.

Qaraqalpaqstan Respublikası

Suw xojalıǵı ministrligi baspasóz xızmeti