Qaraqalpaqstan nasos stanciyaları hám energetika basqarması juwapkerleriniń qatnasıwında Qaraózek rayonında jaylasqan “Bekmurataw” nasos stanciyasında seminar shólkemlestirildi.
Seminarǵa nasos stanciyalarınıń baslıqları hám de jumısshı-xızmetkerleri qatnasıp, ótken gúz-qıs máwsiminde nasos agregatların ońlaw hám energiyadan nátiyjeli paydalanıw boyınsha erisilgen nátiyjeler, bar kemshilikler hám olardı saplastırıw ilajları dodalandı.
Ilaj dawamında nasos stanciyalarında elektr energiyasınan nátiyjeli hám únemli paydalanıw máselelerine ayrıqsha itibar qaratıldı. Atap aytqanda, elektr dvigatellerdi turaqlı qadaǵalaw, olarǵa zamanagóy únemlewshi úskenelerdi ornatıw, agregatlardı óz waqtında ońlaw jáne olardıń úzliksiz islewin támiyinlew boyınsha ámelge asırılıp atırǵan jumıslar dodalandı.
Sonday-aq, nasos stanciyaları aymaǵında shólkemlestirilgen járdemshi xojalıqlarda alıp barılıp atırǵan jumıslar da kórip shıǵılıp, juwapkerlerge bul boyınsha tiyisli usınıs hám tapsırmalar berildi.
Seminar juwmaǵında 2026-jılı ámelge asırılıwı kerek bolǵan tiykarǵı wazıypalar belgilep alındı hám tarawda nátiyjelilikti bunnan bılay da arttırıw boyınsha ámeliy usınıslar bildirildi.
Qaraqalpaqstan Respublikası
Suw xojalıǵı ministrligi baspasóz xızmeti