Ramazan hayıtı hám Nawrız bayramları múnásibeti menen Jaǵalıq qorǵawshı dambalar hám ózeklerdi tártipke salıw imaratları basqarmasında jumısshı-xızmetkerlerdi sociallıq qollap-quwatlawǵa qaratılǵan iygilikli jumıslar ámelge asırıldı.

Sonıń ishinde, basqarmanıń járdemshi xojalıǵı esabınan xızmetkerlerge azıq-awqat ónimleri tarqatıldı. Oǵan bola, hár bir xızmetkerge mal góshi (2 kg), qoy góshi (1 kg), eshki góshi (4 kg), tawıq góshi (12 kg), sonday-aq, piyaz (10 kg), geshir (20 kg) hám kartoshka (20 kg) berildi.

Bul ilajlar bayram aldınan xızmetkerlerge kóterińki keypiyat baǵıshlaw, olardı hár tárepleme qollap-quwatlaw hám sociallıq qorǵawdı kúsheytiwge xızmet etti.

Bunday itibar hám ǵamqorlıq sistemada miynet etip atırǵan hár bir xızmetker ushın ayrıqsha áhmietke ie bolıp, olardı jáne de nátiyjeli jumıs alıp barıwǵa iytermeleydi.

Qaraqalpaqstan Respublikası

Suw xojalıǵı ministrligi baspasóz xızmeti