Qaraqalpaqstan Respublikası Suw xojalıǵı ministrliginde “Xalıqaralıq korrupsiyaǵa qarsı gúresiw kúni” hám Korrupsiyaǵa qarsı gúresiw aylıǵı sheńberinde “Ashıq esikler kúni” ótkerildi.
Ilajda ministrliktiń Korrupsiyaǵa qarsı ishki qadaǵalaw bas qánigesi E.Najimov, bas yuriskonsult A.Orazbaev mámleketimizde korrupciyanıń aldın alıw hám oǵan qarsı mawasasız gúresiwdiń aldınǵı, xalıqaralıq standartlarǵa tiykarlanǵan sistemasın engiziw boyınsha izbe-iz ilajlar kórilip atırǵanı, mámleketlik uyımlar hám shólkemlerdiń jumısında ashıq-aydınlıqtı támiyinlew jáne lawazımlı shaxslardıń xalıq aldında esap beriwin jolǵa qoyıw arqalı mámleketlik basqarıwda nátiyjeli jámietlik qadaǵalaw boyınsha alıp barılıp atırǵan ilajlar haqqında málimleme berip ótti.
Sonday-aq, “Ashıq esikler kúni” sheńberinde Qaraqalpaqstan Respublikası Suw xojalıǵı ministrligi apparatı hám ministrlik qaramaǵındaǵı sistemalı shólkemlerdiń basshılarına Ózbekstan Respublikasınıń 2017-jıl 3-yanvardaǵı “Korrupciyaǵa qarsı gúresiw haqqında”ǵı hám 2024-jıl 5-iyundaǵı “Mápler soqlıǵısıwı haqqında”ǵı nızamları jáne Ózbekstan Respublikası Prezidentiniń 2020-jıl 29-iyundaǵı “Ózbekstan Respublikasında korrupsiyaǵa qarsı gúresiw sistemasın jetilistiriw boyınsha qosımsha ilajlar haqqında”ǵı pármanınıń mazmun-mánisi keńnen túsindirildi hám usı hújjetlerde belgilengen wazıypalardıń orınlanıwın támiyinlew boyınsha wazıypalar belgilendi.
Qaraqalpaqstan Respublikası
Suw xojalıǵı ministrligi baspasóz xızmeti