Qaraqalpaqstan Respublikası Suw xojalıǵı ministrliginde 8-mart – Xalıqaralıq hayal-qızlar kúni múnásibeti menen saltanatlı ilaj bolıp ótti.
Ilajda Qaraqalpaqstan Respublikası Suw xojalıǵı ministri B.Juzbaev ilajǵa jıynalǵan hayal-qızlardı hám olardıń tımsalında pútkil suw xojalıǵında jumıs alıp barıp atırǵan hayal-qızlardı báhár, jańalanıw hám gózzallıq bayramı menen qutlıqladı.
Ilajda Ózbekstan Respublikası Suw xojalıǵı ministri Shavkat Xamraev suw xojalıǵı tarawında miynet etip atırǵan hayal-qızlarǵa bayram qutlıqlawı jollanǵanı, basshılar suwshı hayal-qızlardı hámiyshe qádirleytuǵını qanaatlanıwshılıq penen atap ótildi.
“Mámleketimiz basshısınıń baslaması menen tarawda alıp barılıp atırǵan reformalarda, keń kólemli ózgerisler hám erisilip atırǵan nátiyjelerde hayal-qızlarımızdıń múnásip úlesi bar ekenligin minnetdarshılıq penen atap ótemiz.
Itibar hám xoshamet, materiallıq hám ruwxıy qollap-quwatlawlar nátiyjesinde sawaplı kásip bolǵan suwshılıq tarawın tańlap atırǵan hayal-qızlardıń qatarı jıl sayın keńeyip barmaqta,” dep bayram qutlıqlawınan sózler keltirildi.
Ilajda ministrliktiń kásiplik awqamınıń baslıǵı S.Serjanov hám basqalar shıǵıp sóylep, sońǵı waqıtları mámleketimizde, sonıń ishinde, suw xojalıǵı sistemasında hayal-qızlardı ulıǵlaw, olarǵa ayrıqsha itibar qaratılıp atırǵanın atap ótti.
Ilajda ministrlik apparatında islep atırǵan hayal-qızlarǵa gúller sawǵa etilip, aqshalay sıylıqlar tapsırıldı. Sonday-aq, bayram dasturxanına mirát etildi. Bunday ilajlar aymaqlardaǵı barlıq suw xojalıǵı shólkemlerinde de shólkemlestirilmekte.
Pursattan paydalanıp, barlıq analar, apa-qarındaslarımızdı, suw xojalıǵı sistemasında pidayı miynet etip atırǵan barlıq hayal-qızlardı 8-mart – Xalıqaralıq hayal-qızlar kúni múnásibeti menen Qaraqalpaqstan Respublikası Suw xojalıǵı ministrligi atınan qutlıqlaymız!
Qaraqalpaqstan Respublikası
Suw xojalıǵı ministrligi Baspasóz xızmeti