Ózbekstan Respublikası Prezidentiniń 2020-jıl 10-iyuldegi “Ózbekstan Respublikası suw xojalıǵın rawajlandırıwdıń 2020-2030-jıllarǵa mólsherlengen koncepciyasın tastıyıqlaw haqqında”ǵı PP-6024-sanlı Pármanınıń orınlanıwın támiyinlew maqsetinde Suw xojalıǵı ministrligi tárepinen Suw kodeksi islep shıǵılǵan edi.
Usı jıldıń 30-iyul sánesinde Ózbekstan Respublikasınıń Nızamı menen Suw kodeksi tastıyıqlandı. Kodeks suw, suw obektleri, suw xojalıǵı obektleri hám suw qorı jerlerinen aqılǵa uǵras paydalanıw jáne olardı qorǵaw tarawındaǵı qatnasıqlardı tártipke saladı.
Xojeli rayonı “Suw jetkerip beriw xızmeti” mámleketlik mákemesinde Suw Kodeksiniń mazmun-mánisin túsindiriw, usı Kodekste belgilengen huqıqıy tiykarlar, tiykarǵı wazıypalar hám túsiniklerdi úgit-násiyatlaw maqsetinde suwshılardıń qatnasıwında májilis bolıp ótti. Májilis dawamında barlıq xızmetkerlerge Suw kodeksiniń endi suw resursların basqarıwda tiykarǵı principlerdi belgileytuǵın áhmietli hújjet ekenligi haqqında túsinik berildi.
Qaraqalpaqstan Respublikası
Suw xojalıǵı ministrligi baspasóz xızmeti