Suw resurslarınan aqılǵa uǵras hám nátiyjeli paydalanıw jáne vegetaciya máwsimin shólkemleskenlik penen ótkeriw maqsetinde Qaraqalpaqstan Respublikasınıń Qaraózek, Beruniy hám Qanlıkól rayonlarında paxta maydanların túngi waqıtta suwǵarıw jumısları izbe-iz shólkemlestirilmekte.

Suw xojalıǵı ministrligi jumısshı toparınıń wákilleri tárepinen orınlarda ótkerilgen túngi qadaǵalaw ilajları dawamında bir qatar fermer xojalıqlarında suwǵarıw jumısları belgilengen tártip tiykarında shólkemlestirilgeni baqlandı.

Atap aytqanda, Qaraózek rayonındaǵı “Asan,” “Nuratdin jeri,” “Aysulı Nur,” “Ramazan Nursultan,” “Allash qırıq,” “Azizbek” fermer xojalıqlarında paxta maydanların túngi suwǵarıw jumısları nátiyjeli jolǵa qoyılǵan.

Sonday-aq, Beruniy rayonındaǵı “Xadicha Berdimurodova,” “Nurislam Anira,” “Almosbek Tolqinjon wǵli,” “Xuslima Muslima,” “Shahzod Javohir,” “Aybek Xamroevich,” “Umid Umar 2024,” “Azat Gulimboev” fermer xojalıqları hám Qanlıkól rayonındaǵı “Bereketli Sari Oltin” hám “Beskopirli” fermer xojalıqlarında da túngi suwǵarıw jumısları shólkemleskenlik penen ámelge asırılmaqta.

Jumısshı topar tárepinen bul fermer xojalıqlarında suwdan únemli paydalanıw, suwǵarıw processlerin durıs shólkemlestiriw hám suwdı belgilengen gezek tiykarında jetkerip beriw jumıslarına ayrıqsha itibar qaratıldı.

Túngi waqıtta paxta maydanların suwǵarıwdı nátiyjeli shólkemlestirip atırǵan bul fermer xojalıqları bul baǵdarda basqa fermerler ushın da úlgili tájiriybe kórsetpekte. Bunday qatnas suw resurslarınan aqılǵa uǵras paydalanıw, paxta maydanlarınıń suw támiynatın jaqsılaw hám ónimdarlıqtı arttırıwǵa xızmet etedi.

Qaraqalpaqstan Respublikası

Suw xojalıǵı ministrligi baspasóz xızmeti