Qaraqalpaqstan nasos stanciyaları hám energetika basqarması juwapkerleri tárepinen Ámiwdárya rayonındaǵı “Tolqın” nasos stanciyasında suwǵarıw máwsimi dawamında ámelge asırılatuǵın tiykarǵı wazıypalar belgilep alındı.
Kórgizbeli seminar túrinde ótkerilgen ilajda 2025-jıl suw xojalıǵında “Nasoslar nátiyjeliligin arttırıw” jılı dep belgilengeni ayrıqsha atap ótilip, jıl dawamında nasos stanciyalarınan paydalanıwda elektr energiyasınan nátiyjeli paydalanıw zárúrligi boyınsha kórsetpeler berildi.
Seminar jumısında nasos stanciyalarında elektr energiyasın únemlew, elektr dvigatellerdi turaqlı qadaǵalaw, olarǵa únemlewshi úskenelerdi ornatıw hám agregatlardı óz waqtında ońlaw jumısları dodalandı.
Sonday-aq, nasos stanciyası átirapında shólkemlestirilgen járdemshi xojalıqlarda alıp barılǵan jumıslar dodalanıp, juwapkerlerge kerekli usınıs hám tapsırmalar berildi.
Qaraqalpaqstan Respublikası
Suw xojalıǵı ministrligi baspasóz xızmeti