Tórtkúl rayonında suwdı únemlewshi texnologiyalardı engiziw jumısların jedellestiriwge qaratılǵan awıl xojalıǵı ónimlerin jetistiriwshiler, qurılıs shólkemleriniń wákilleri suw xojalıǵı juwapkerleri menen ushırasıw ótkerildi. Ushırasıwda suw xojalıǵındaǵı sońǵı ózgerisler, qabıl etilgen qarar hám pármanlar, Suw kodeksiniń áhmieti, sonday-aq, suwdı únemleytuǵın texnologiyalardıń abzallıqları túsindirildi.
Ilajda Qaraqalpaqstan Respublikası Suw xojalıǵı ministri B.YUsupov, Ózbekstan Respublikası Suw xojalıǵı ministrliginiń wákili Z.Irisbaev, rayon hákiminiń orınbasarı J.Xudaybergenov shıǵıp sóylep, suwdı únemlewshi texnologiyalardı engiziw, bul baǵdarda belgilengen jeńillikler hám imkaniyatlar haqqında qabıl etilgen qararlardıń mazmun-mánisi haqqında keń túrde maǵlıwmat berip ótti.
Soraw-juwaplar procesinde fermerler ózlerin qızıqtırǵan sorawlarǵa juwap aldı. Jetkerip beriwshi kárxanalar bolsa óz imkaniyatları menen tanıstırdı.
Qaraqalpaqstan Respublikası
Suw xojalıǵı ministrligi baspasóz xızmeti