Ózbekstan Respublikası Ministrler Kabinetiniń 2025-jıl 21-oktyabrdegi “Suw resursları joǵaltıwlarınıń aldın alıw hám irrigasiya tarmaqların jaqsılaw ilajları haqqında”ǵı qararına muwapıq, Qaraqalpaqstan Respublikasında suw xojalıǵı obektlerin modernizaciyalaw jumısları ámelge asırılmaqta.
Sonıń ishinde, qarar tiykarında 2025-2026-jıllarda ulıwma uzınlıǵı 44,0 kilometr bolǵan 4 kanaldı betonlastırıw hám rekonstruksiyalaw jumısların orınlaw ushın 81 mlrd sum, sonıń ishinde, usı jılǵa 13 mlrd 885 mln sum limit qarjısı ajıratılıwı belgilengen.
Joybarlawshı shólkem “UzGIP” JShJ Qaraqalpaqstan filialı tárepinen joybarlaw-smeta hújjetleri islep shıǵılıp, ekspertiza oraylarına tapsırılǵan.
Búgingi kúnde obektlerde texnikalar hám qurılıs materialları jıynalıp, kanallardı betonlastırıw jumısları ushın topıraq qazıw jumısları ámelge asırılmaqta.
Kanallarda rekonstruksiyalaw jumıslarınıń ámelge asırılıwı nátiyjesinde kanallardıń paydalı jumıs koefficientleri jaqsılanadı, fermer xojalıqları hám xalıqtıń qıytaq jerleriniń egislik maydanlarınıń suw támiynatın jaqsılaydı. Kanallardı betonlaw nátiyjesinde suwdıń filtrasiyası esabınan shıǵınlar azayadı hám bar suw resurslarınan nátiyjeli paydalanıwǵa tiykar jaratıladı.
Qaraqalpaqstan Respublikası
Suw xojalıǵı ministrligi baspasóz xızmeti