Qaraqalpaqstan Respublikası Suw xojalıǵı ministri B.YUsupov Qaraózek rayonı “Suw jetkerip beriw xızmeti” mámleketlik mákemesi xızmetkerleri hám rayondaǵı suw tutınıwshılarınıń múrájatların tıńladı.
Videokonferencbaylanıs túrinde ótkerilgen qabıllawda “Suwxojalıqnazorat” inspekciyası baslıǵınıń orınbasarı Z.Irisbaev, ministrliktiń tiyisli bólim baslıqları, Qaraqalpaqstan Nasos stanciyaları hám energetika basqarmasınıń baslıǵı N.Aralbaev, Qaraózek rayonınan rayonlıq “Suw jetkerip beriw xızmeti” mámleketlik mákemesi baslıǵınıń orınbasarı M.Orazbaev hám rayondaǵı fermer xojalıqlarınıń basshıları qatnastı.
Qabıllaw aldınan Qaraqalpaqstan Respublikası Suw xojalıǵı ministri B.YUsupov bıyılǵı suwǵarıw máwsiminde respublikamızǵa, sonıń ishinde, Qaraózek rayonına jetkerip berilgen suw muǵdarları hám olardan nátiyjeli paydalanıw boyınsha ámelge asırılǵan jumıslarǵa toqtap ótti.
Bunnan soń ashıqtan-ashıq sóylesiw tárizinde dawam etken qabıllawda bir neshe suw tutınıwshıları ózleriniń múrájatların jolladı.
Atap aytqanda, Qaraózek rayonı “Berdax” APJ aymaǵındaǵı “Jamiyev Genjebay” fermer xojalıǵınıń baslıǵı G.Jamiyev fermer xojalıǵı ishki salmaların qazıp-tazalaw jumıslarında ámeliy járdem soradı. “Omir 40 centner” fermer xojalıǵınıń basshısı A.Aytbaev jerdi lazer usılında tegislew texnologiyasın engiziw ushın subsidiya ajıratıw máselesin kóterdi. “Mádeniyat” APJ aymaǵındaǵı “Qaraózekli Ábdimalıq” fermer xojalıǵınıń basshısı D.Orazımbetov paxta hám masaqlı dán jetistiriwshi fermer xojalıqlarınıń nasos agregatları tutınǵan elektr energiyası qárejetlerin qaplaw ushın subsidiya ajıratılıwın soradı. “Mariyam Aysuliv” fermer xojalıǵınıń baslıǵı P.Elmuratov bolsa fermer xojalıǵı jerlerin “Qaraózekli Qanlı” fermer xojalıǵı tárepinen mámleketlik-jeke menshik sheriklik tiykarında alınǵan nasos stanciyası arqalı suw menen támiyinlewde júzege kelip atırǵan mashqalalardı sheshiwde ámeliy járdem beriwdi soradı.
Qabıllaw procesinde B.Yusupov Qaraózek rayonı fermerleriniń múrájatları suw xojalıǵı basshılıǵınıń itibarında bolıwı hám olardı sheshiw ushın ózi basshılıǵındaǵı ministrlik jámááti barlıq zárúr ilajlardı kóretuǵının ayrıqsha atap ótti.
Múrájatlar hár tárepleme dodalanıp, nızamshılıq sheńberinde tiyisli túsinikler berildi hám juwapker shólkem basshılarına anıq tapsırmalar júklendi. Májilis juwmaǵında múrájatlardı óz waqtında ornına shıqqan halda úyrenip, unamlı sheshiw ilajlarınıń kóriliwi ayrıqsha qadaǵalawǵa alındı.
Qaraqalpaqstan Respublikası
Suw xojalıǵı ministrligi baspasóz xızmeti