Ózbekstan Respublikası Suw xojalıǵı ministri Sh.Xamraev orınlarda suw xojalıǵında ámelge asırılıp atırǵan jumıslar menen jaqınnan tanısıw maqsetinde Qaraqalpaqstan Respublikasına bardı. Ol dáslep ministrliktiń Kollegiya májilisinde berilgen tapsırmalardıń orınlanıwı boyınsha sistema shólkemlerinde járdemshi xojalıqlardı shólkemlestiriw jaǵdayına itibar qarattı.

    Ministr Kegeyli rayonında kollektorda úyrek baǵıw shólkemlestirilgen orındı barıp kórdi. Rayonlıq “Suw jetkerip beriw xızmeti” MUK direktorı Keńesbay Temirxanovqa bul baǵdardaǵı jumıslar talap dárejesinde emesligin aytıp, sınǵa aldı. Suushi xızmetkerlerdi hár ayda qosımsha xoshametlep barıw ushın bunday úyrekxanalardı kóbeytiw boyınsha kórsetpe berdi.

    Usı jerde Suw xojalıǵı ministri Sh.Xamraev Kegeyli rayonı hákimi A.Kamalov penen de ushırastı. Ushırasıwda suw xojalıǵı, sonıń ishinde, “Kámbaǵallıqtan abadanlıqqa qaray” baǵdarlaması boyınsha ámelge asırılatuǵın jumıslardı da dodalap aldı.

Suw xojalıǵı ministri Sh.Xamraev Qaraqalpaqstan Respublikasınıń basqa da rayonlarında bolıp, tarawda ámelge asırılıp atırǵan jumıslar menen jaqınnan tanıspaqta.

Qaraqalpaqstan Respublikası

Suw xojalıǵı ministrligi Baspasóz xızmeti