Qaraqalpaqstan nasos stansiyaları hám energetika basqarması juwapkerleri tárepinen Moynaq rayonındaǵı “Qızıljar” nasos stansiyasında elektr energiyasınan nátiyjeli paydalanıw, járdemshi xojalıqlardı shólkemlestiriw hám jumısshı-xızmetkerlerdi xoshametlew máseleleri úyrenildi.
Seminarda Basqarma baslıǵınıń orınbasarı N.Aralbaev Ózbekstan Respublikası Prezidentiniń 2024-jıl 7-maydaǵı “Suw xojalıǵı tarawında zamanagóy basqarıw sistemasın engiziw hám rawajlandırıwdıń tiykarǵı baǵdarların belgilew haqqında”ǵı pármanınıń mazmun-mánisin túsindiriw menen birge hár háptede nasos stanciyalarında dodalanatuǵın máseleler boyınsha ámelge asırılatuǵın jumıslarǵa toqtap ótti.
Sonday-aq, ilaj dawamında basqarmanıń Qońırat-Moynaq bólimindegi barlıq nasos stansiyaları átirapında járdemshi xojalıqlardı shólkemlestiriw, sharwa malları, qus hám qoyanlardı baǵıw hám bar jer maydanlarınan nátiyjeli paydalanıw jaǵdayları da úyrenildi.
Ilaj dawamında nasos agregatlarınıń elektr energiyasın ózlestiriwde áhmietli orın tutatuǵın awısıq bóleklerin óz waqtında almastırıw boyınsha kórgizbeli túrde túsinik jumısları alıp barıldı.
Sonday-aq, ilaj dawamında basqarmanıń Qońırat-Moynaq bólimindegi barlıq nasos stansiyaları átirapında járdemshi xojalıqlardı shólkemlestiriw, sharwa malları, qus hám qoyanlardı baǵıw hám bar jer maydanlarınan nátiyjeli paydalanıw jaǵdayları da úyrenildi.
Usı kúni nasos stansiyası átirapında jetistirilgen miywe hám basqa da awıl xojalıǵı ónimleri jumısshı-xızmetkerlerge tarqatıldı. Barlıq nasos stanciyalarında qorǵanıw zonalarında awıl xojalıǵı eginlerin egiwdi jolǵa qoyıw jáne jumısshı-xızmetkerlerdi hár ayda qosımsha xoshametlep barıw boyınsha juwapkerlerge zárúr usınıs hám tapsırmalar berildi.
Qaraqalpaqstan Respublikası
Suw xojalıǵı ministrligi baspasóz xızmeti