Кегейли туманида «Кўк-узак» каналининг реконструкция қилинган қисмини кўздан кечириш ҳамда бу борадаги ишларни жадаллаштириш бўйича вазифаларни белгилаб олиш юзасидан семинар ўтказилди.
Тадбир аввалида, буюртмачи «Қорақалпоғистонсувқурилишинвест» ДМ ва пудратчи ташкилот “Қирққизмахсусқурилиш” МЧЖ масъуллари «Кўк-ўзак» каналининг бошланиш қисмидан Кегейли тумани «Жузимбоғ» овул фуқаролар йиғини ҳудудигача кўздан кечириб, амалга ошириладиган вазифаларни белгилаб олдилар.
Семинарда буюртмачи «Қорақалпоғистонсувқурилишинвест» ДМ бош муҳандиси Н.Каипов, қурилишни техник кузатиш бўлими бошлиғи Е.Бекниязов ва техник назоратчи О.Камалов ҳамда “Қирққизмахсусқурилиш” МЧЖ иш боқарувчиси А.Рахматуллаевлар сўзга чиқиб, мазкур каналнинг реконструкция ишларининг бориши ва режа графикдан кечикишининг асосий сабаблари бўйича маълумот бериб ўтди.
Таъкидланганидек, «Кўк-ўзак» каналининг 2023 йил давомида 9,1 км қисмида реконструкция қилиш ишлари белгиланиб, 1 октябрь ҳолатига 5,6 км узунликда реконструкция ишлари бажарилган. Кейинги уч ой давомида каналда сув миқдорининг юқорилиги сабабли реконструкция ишлари кечиктирилгани ва бугунги кунда қурилиш-монтаж ишлари бошлангани айтиб ўтилди.
Семинар давомида айни кунларда «Кўк-ўзак» каналида сув миқдорининг камайганлиги ҳисобига реконструкция қилиш ишларини, жумладан, тупроқ қазиш, кўмиш ҳамда гидротехник иншоотларни қуриш ва таъмирлаш ишларини икки сменада такшил қилиш бўйича қурувчи ташкилот иш боқарувчиси А.Рахматуллаев ва техник назоратчи О.Камаловларга топшириқлар берилди. Шунингдек, канал қирғоқларида бажарилган кўмиш, яъни қирғоқларини мустаҳкамлаш ишлари сифатига алоҳида этибор бериш белгиланди.
Маълумот учун: «Кўк-ўзак» каналида 2022-2023 йиллар давомида жами 15,7 километр қисмида реконструкция қилиниши, шундан 2023 йилга 9,1 км режа белгиланиб, шу кунгача қурилиш бошидан 14,7 километр қисмида реконструкция ишлари амалга оширилган. Ҳозирда объектда 2 та экскаватор, 1 дона бульдозер, 2 та бошқа махсус техникалар ҳамда 7 нафар ишчи ходимлар қурилиш ишларига жалб қилинган.
Қорақалпоғистон Республикаси
Сув хўжалиги вазирлиги Матбуот хизмати