Қорақалпоғистонда ўтган 10 кунликда об-ҳавонинг кескин тушиб кетгани сабабли, магистрал каналларни бетонлаш ишлари вақтинча тўхтатиб турилган эди. Айни кунларда ҳаво ҳарорати кўтарилгани ҳисобга олиниб, каналларни бетонлаш ишлари яна бошланди.
Қорақалпоғистонда ўтган 10 кунликда об-ҳавонинг кескин тушиб кетгани сабабли, магистрал каналларни бетонлаш ишлари вақтинча тўхтатиб турилган эди. Айни кунларда ҳаво ҳарорати кўтарилгани ҳисобга олиниб, каналларни бетонлаш ишлари яна бошланди.
Бугун Сув хўжалиги вазирлиги томонидан тасдиқланган ҳафталик режа графикда белгиланган вазифалар доирасида сув хўжалиги объектларида қурилиш ва реконструкция ишларини муҳокама этиш ҳамда келгуси вазифаларни белгилаб олиш юзасидан «Дўстлик» каналини реконструкция қилиш (3-босқич) ишлари масъуллар иштирокида ўрганилди.
Тадбир давомида Қорақалпоғистон Республикаси Сув хўжалиги вазирлиги, «Қорақалпоғистонсувқурилишинвест» давлат муассасаси, пудратчи ташкилот “Кегейлимахсуссувпудрат” МЧЖ маъсул ходимлари билан биргаликда «Дўстлик» каналини қазиб бетонлашга тайёрланаётган қисмидан бетонлашгача бўлган жараёнларни кўздан кечирдилар.
Ўрганиш давомида “Кегейлимахсуссувпудрат”МЧЖ участка бошлиғи И.Бектемиров мазкур канални бетонлаш ишларини сифатли ва барча ишлар лойиҳада кўрсатилган талаблар асосида амалга оширилиши учун тажрибали мутахассислар ва барча зарур техника ва асбоб-ускуналарни ушбу объектга жалб қилганини таъкидлаб ўтди. Шунингдек, объектда амалга оширилаётган иш жараёнлари билан батафсил таништириб ўтди.
Таъкидланганидек, бугунги кунгача объектда бош пудратчи “Кегейлимахсуссувпудрат” МЧЖ томонидан 1,4 километр узунликда 12950 метр куб тупроқ-қазиш бетонлаш ишларига тайёргарлик, шундан 515 метр узунликда каналда 625,0 метр куб бетонлаш ишлари, жами 633,5 млн.сўмлик ишлар бажарилгани айтиб ўтилди.
Ўрганиш давомида қулай суғориш мавсумидан олдин каналнинг белгиланган қисмида реконструкция ишларини жадал давом қилдириш бўйича кўрсатмалар берилди. Бунинг учун махсус техника ва етарли миқдорда ишчи кучларини жалб қилиш топширилди.
Объектдаги ҳозирги кунда объектдаги қурилиш ишларига жами 17 дона махсус техникалар ҳамда 15 нафар ишчи-ходимлар жалб этилган.
Маълумот учун «Дўстлик» каналини реконструкция қилиш ишлари 2018-2023 йилларда босқичма-босқич 2,6 километр қисмини бетон қопламаси билан қоплаш ишлари олиб борилди. Айни вақтда мазкур каналнинг 3-босқич реконструкцияси ишлари давом қилмоқда. Мазкур босқичда каналнинг 1,4 километр қисмида реконструкция ишлари бажарилиб, умумий 4 километр қисмида бетон ётқизиш ишлари олиб бориш назарда тутилган.
Қорақалпоғистон Республикаси
Сув хўжалиги вазирлиги Матбуот хизмати