Бўзатов туманида «Эркиндарё» каналини реконструкция қилиш, гидротехника иншоотларини қуриш ва таъмирлаш ишларини жадаллаштириш бўйича семинар ўтказилди.

      Семинарда, буюртмачи «Қорақалпоғистонсувқурилишинвест» ДМ бош муҳандиси Н.Каипов «Эркиндарё» хўжаликлараро каналининг 13,8 километр қисми да 2023 йил давомида реконструкция қилиш белгиланганини ва 1 октябрь ҳолатига ушбу каналда тупроқ қазиш ишлари тўлиқ бажарилганини таъкидлаб ўтди. Ҳозирги кунда гидротехника иншоотларини қуриш ишлари амалга оширилмоқда.

      Тадбир давомида «Эркиндарё» хўжаликлараро каналида сув миқдорининг камайтирилгани ҳисобига гидротехник иншоотларни қуриш ва таъмирлаш ишларини икки сменада такшил қилиш бўйича қурувчи ташкилот иш бошқарувчиси Е.Арзимбетов ва техник назоратчи Е.Пиримбетовларга топшириқлар берилди.

      «Эркиндарё» хўжаликлараро каналининг 2021-2023 йиллар давомида жами 32,4 километр қисми реконструкция қилиниши белгиланган. Жорий йилги режа ижроси таъминланиши натижасида белгиланган 32,4 километр қисмида реконструция ишлари якунига етказилмоқда. Айни пайтда мазкур объектда 1 та экскаватор, 1 дона бульдозер, 1 дона юк машинаси ва битта махсус техника ҳамда 18 нафар ишчи ходимлар қурилиш ишларини ниҳоясига етказиш учун меҳнат қилишмоқда.

Қорақалпоғистон Республикаси

Сув хўжалиги вазирлиги Матбуот хизмати