R.Allabergenov 1992-jılı Tashkent irrigaciya hám awıl xojalıǵın mexanizaciyalaw injenerleri institutın tamamlaǵan. Bilimlendiriw boyınsha qánigeligi injener-gidrotexnik.

Miynet jolın 1993-jılı Ellikqala rayonı «Qılshınak» xojalıǵında ápiwayı jumısshı lawazımınan baslaǵan. 2002-jılı «Boz-yob» suwdan paydalanıwshılar awqamınıń baslıǵı, 2002-2004-jılları Qaraqalpaqstan Respublikası Gidrogeologiyalıq-meliorativlik ekspediciyası Ellikqala rayonı bóliminiń baslıǵı, 2004-2008-jılları Ellikqala rayonı hákimligi shólkemlestiriw-qadaǵalaw toparınıń baslıǵı, 2008-2009-jılları Tómengi Ámiwdárya irrigaciya sistemaları basseyn basqarmasına qaraslı «Paxtaarna-Nayman» irrigaciya sisteması basqarmasınıń baslıǵı, 2009-2010-jılları Ellikqala rayonı hákiminiń kapital qurılıs, kommunikaciyalar, kommunal xojalıq hám abadanlastırıw máseleleri boyınsha birinshi orınbasarı, 2010-2014-jılları Qaraqalpaqstan Respublikası Miynet hám xalıqtı sociallıq qorǵaw ministri, 2014-2015-jılları Tómengi Ámiwdárya irrigaciya sistemaları basseyn basqarması janındaǵı Qaraqalpaqstan meliorativlik ekspediciyası baslıǵınıń birinshi orınbasarı, 2015-2019-jıllarda Tashkent qalası «Global Korean Investment» juwapkershiligi sheklengen jámietiniń menedjeri, 2019-2022-jıllarda Xalıqaralıq Araldı qutqarıw qorı atqarıw komiteti Nókis filialı direktorı sıyaqlı juwapkershilikli lawazımlarda jumıs alıp barǵan.

Usı lawazımǵa tayınlanıwǵa shekem Ózbekstan Stol tennisi Federaciyasınıń Qaraqalpaqstan Respublikası bóliminiń atqarıwshı direktorı lawazımında islep kelgen.