Амударё туманидаги «Намуна» МФЙ ҳудудида буюртмачи «Қорақалпоғистонсувқурилишинвест» ДМнинг қурилишни техник кузатиш бўлими бошлиғи Е.Бекниязов ва техник назоратчи А.Мавланов, пудратчи ташкилот “Сувомборқурилиш” МЧЖ иш бошқарувчиси И.Темиров ҳамда пудратчи ташкилот ишчилари иштирокида «Манғит-арна» каналини реконструкция қилиш ишлари ўрганилди.

       Ўрганишда аниқланишича, «Манғит арна» каналинининг 2,7 километр қисми учун 2023 йил учун 6774,3 млн.сўм маблағ ажратилиб, жорий йилнинг 15 ноябрь санасигача реконструкция қилиш ишлари амалга оширилган. Белгиланган қисмидаги канал қирғоқларига бетон қопламаларини ётқизиш ишлари якунланди.

       Бетонлаш ишларига ҳалақт қилувчи маҳаллий аҳоли томонидан қурилган ҳар хил турдаги иморатларни буздириш, газ қувурларини кўчириш ҳамда канал қирғоқларида табий шароитда ўсиб чиққан дарахтларни кесиш масалалари маҳаллий ҳокимят органлари кўмагида ижобий ечимини топганлигини ҳам айтиб ўтдилар.

       Келгуси 2024 йилда «Манғит арна» каналинининг 1,4 километр узунликдаги қисмида реконструкция қилиш ишлари  режалаштирилган. Айни кунларда бош пудратчи “Сувомборқурилиш” масъулияти чекланган жамияти томонидан кейинги режасида белгиланган реконструкция ишлари уюшқоқлик билан олиб борилмоқда. Пудратчи ташкилотнинг ишлаб чиқариш имкониятларидан келиб чиқиб, айни пайтда қишнинг совуқ кунлари бошланмасдан барча кучларни сафарбар этган ҳолда мазкур канал қирғоқларига бетон ётқизиш ишлари жадал давом қилмоқда. Негаки, шўр ювиш ва суғориш мавсумида каналда сув сатхи юқори бўлиши инобатга олиниб, ҳозирги каналда сув  йўқ пайтнинг ҳар бир дақиқасидан унумли фойдаланиш чоралари кўрилмоқда.

       Маълумот учун: Ҳозирги кунда  мазкур объектда 3 та экскаватор, 3 та бетонмиксер, 2 та автосамосавал ва 25 нафар ишчи ходимлар «Манғит-арна» каналининг реконструкция қилиш  ишларига жалб қилинган.

Қорақалпоғистон Республикаси

Сув хўжалиги вазирлиги Матбуот хизмати